எழில் கணினி மொழியும் கட்டற்ற தமிழ்

தமிழ் இணைய கழகமும் -  தமிழ் இணைய வானொலியும் இணைந்து நடத்திய ‘எழில் கணினி மொழியும் கட்டற்ற தமிழ்’ என்ற தலைப்பில் அமெரிக்காவில் கணினி மேலாளராகப் பணிபுரியும் மதிப்பிற்குரிய முத்து அண்ணாமலை அவர்கள்  21- 6- 2020 அன்று உரை வழங்கினார். உரையில் தமிழ் இணையத்தில், கணினியில் எவ்வாறு முன்னேற்றம் அடைந்து வந்திருக்கிறது என்பதையும், அதன் வழியில் எழில் மொழி மென்பொருளின் பயன்பாட்டையும், இந்த எழில் மொழி மென்பொருளை 2017 ஆம் ஆண்டு வெளியீட்டு மாணவர்களுக்குப் பயன்படும் வகையில் அறிமுகம் செய்து வைத்துள்ளார். பிறகு எழில் மொழியை ஆண்ட்ராய்டு கருவி மூலம் செயல்பட வழிவகை செய்துள்ளதாகவும் கூறினார். தமிழ் மொழி ஒரு வணிக மொழியாகவும், அறிவியல் மொழியாகவும் உருவாக்கம் பெற்றுக் கொண்டிருக்கிறது என்றும் தனது உரையில் முத்தாய்ப்பாக எடுத்து வைத்தார். எழில் மொழியைத் தொடர்ந்து திறமூல மென்பொருள் குறித்து விரிவாக விளக்கிப் பேசினார். குறிப்பாக இயல் மொழி ஆய்வுகளில் தமிழ் மொழி கடந்து வந்த பாதைகளை விளக்கினார்.  செம்மொழித் தொகுப்பு சேர்த்தியம் மைசூரில்- தமிழ் மொழியில் 10  மில்லியன் சொற்களைத் தொகுத்து வைத்திருப்பதாகவும் குறிப்பிட்டார். இவற்றைப் பயன்படுத்தி புதிய தமிழ் மென்பொருள்களை உருவாக்கலாம் என்றார். மேலும் திறமூல மென்பொருளின் வரிசையில் தமிழ் வாய்ப்பாடு,  சுருக்கெழுத்து உருவாக்குவது, சந்திப்பிழை திருத்தி, சொற்பிழை திருத்தி, ஒரு கோப்பில் இருக்கின்ற எழுத்துக்களின் எண்ணிக்கையை எண்ணி காட்டுவது, உரை சுருக்கத்தை வழங்குவது, வேர்ச்சொல் பகுப்பாய்வு செய்வது, போன்ற பயன்பாட்டு மென்பொருள்களை இன்று வெளியிட்டு வருகின்றார்கள் என்று குறிப்பிட்டார். இந்த நிகழ்வில் பல்வேறு நாடுகளைச் சேர்ந்த அறிஞர் பெருமக்கள் பலர் கலந்து கொண்டார்கள். உரை முடிந்த பிறகு திரு முத்து அண்ணாமலை அவர்களிடம் சுகந்தி, யாழ்பாவாணன், பாக்கியராஜ், இனிய நேரு, உமா ராஜ், பசும்பொன், முருகானந்தம், கோ பழனிராஜன் போன்றோர்கள் வினாக்களைக் கேட்டுத் தெளிவுபடுத்திக் கொண்டார்கள் . இந்த அமர்வில் தமிழ் கணினிமை சார்ந்த பல்வேறு பயிற்சிகளை மாணவர்களுக்கு வழங்க வேண்டும் என்றும் அதேபோன்று மாணவர்கள் இலகுவாகப் புரிந்து கொள்ளும்படி எழில் மொழி மென்பொருளைக் கையேடாக வழங்கவேண்டும் என்றும் முடிவு செய்யப்பட்டது.

தமிழ்ச் சொல்லாய்வுக் கருவி - சுளகு

தமிழ்ச் சொல்லாய்வுக் கருவி தமிழ் மொழியில் இயங்கும் ஒரு மென்பொருளாகும் . இந்தக் கருவியால் ஒரு கட்டுரை அல்லது நூல்களில் இடம் பெற்றிருக்கும் எழுத்துக்களின் எண்ணிக்கை, சொற்களின் எண்ணிக்கை, ஓரெழுத்து, ஈரெழுத்துக்களின் எண்ணிக்கை, அடிச்சொல்லின் எண்ணிக்கை, துணை நூற்பட்டியலை அகரவரிசை செய்து காட்டுதல் முதலான பணிகளை மிக விரைவாகச் செய்துகொடுக்கும்.

காணொலி தொடுப்பு

https://youtu.be/-618XRW1PDE

          

<iframe width="560" height="315" src="https://www.youtube.com/embed/2CK05whyoP4" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

தமிழில் உரை ஒலி மாற்றி - Tamil text to speech

தமிழில் நாம் தட்டச்சு செய்து வைத்திருக்கும் கோப்புகளில் உள்ள செய்திகளைப் படித்துக்காட்டும் உணரி இன்று இணையத்தில் அதிகமாக உள்ளன.  அவைகளில் ஒருசிலவற்றை இங்கு காணொலி மூலம் காணலாம்.

இணையப்பக்கங்கள்

https://responsivevoice.org/

inforobo.com/text-to-speech-online/

Tamil Ocr - தமிழ் எழுத்துணரி

படிமமாக உள்ள எழுத்துருவை ஒருங்குறிக்கு மாற்றிக் கொடுக்கும்  தமிழ் மென்பொருள்.
ஸ்கேன் செய்ததையும், போட்டோ காப்பி,  நகலெடுத்தையும் படித்துக்காட்டும் மென்பொருள்.

காணொலியைக் காண

அவலோகிதம் -யாப்பு தமிழ் மென்பொருள் ((avalogitham yaappu software)

தமிழில் யாப்பிலக்கணத்தை எளிமையாக்கும் அவலோகிதம் -யாப்பு மென்பொருள் ((avalogitham yaappu software)

யாப்பிலக்கண வகைகளைப் பிரித்துக்கொடுக்கும் தமிழ் மென்பொருள் அவலோகிதம் ஆகும்.

இந்த யாப்பு மென்பொருளில் எழுத்து, அசை, சீர், தளை, அடி, தொடை, பா என நாம் இடும் செய்யுளைப் பிரித்து வழங்கிவிடும். இந்த யாப்பு மென்பொருளின் பயனைப்பார்க்க இந்த வீடியோவைக் காணுங்கள்.  

Gmail- யைத் தமிழில் பயன்படுத்தலாம் வாங்க.

இனி Gmail- யை   தமிழில் பயன்படுத்தலாம் வாங்க.

தொழில் நுட்பங்களைத் தமிழில் பயன்படுத்த வேண்டும். அதுவும் அன்றாடம் பயன்படுத்தும் Gmail யைத் தமிழில் மாற்றி எவ்வாறு பயன்படுத்தலாம் என்பதை விளக்கும் காணொலி.

Gmail - லின் முகப்புப் பக்கத்தை தமிழுல் மாற்றுவது, Gmail - லில் புகைப்படம் பதிவேற்றம் செய்வது, Gmail - லில் உங்களது முகவரியைப் பதிவுசெய்வது

 காணொலியைக் காண

தமிழில் பிழைகளைச் சுட்டிக்காட்டித் திருத்தும் - Nookar நோக்கர்

தமிழில் பிழைகளைச் சுட்டிக்காட்டித் திருத்தும் - Nookar  (நோக்கர்)

தமிழில் ஆய்வுக்கட்டுரைகள், நூல்கள், ஆய்வேடுகளில் இடம்பெற்றுள்ள பிழைகளைத் திருத்திக்கொடுக்கும் நோக்கர் இணையதளம்.

இன்று தமிழில் பல்வேறு நூல்கள் மற்றும் முனைவர்ப்பட்ட ஆய்வேடுகளில் பிழைகள் அதிகமாக இருப்பதை நாம் அனைவரும் அறிவோம். இது தட்டச்சு சிக்கலால் ஏற்படுவதாக பலர் கூறுமிறார்கள். இனி இதுபோன்ற பிழைகளிலிருந்து நாம் சரி செய்து கொள்ள இந்த நோக்கர் இணையதளம் பயன்படும்.

இது தொடர்பான காணொலியை இந்தசு சுட்டியில் சென்று பார்த்துப்பயன் பெறலாம்.

.

தமிழ்ச்சரம் திரட்டியில் உங்கள் வலைப்பதிவை இணைக்கலாம் வாங்க

உங்கள் வலைப்பதிவை உலகில் உள்வர்கள் இலவசமாக காணவேண்டுமா? உடனே தமிழ்ச்சரம் திரட்டியில் இணைக்கலாம் வாங்க..

காணொலியைக் காண

தமிழ் வலைப்பதிவை உருவாக்கி வெளியிட்டு வருபவரா நீங்கள். உங்கள் வலைப்பதிவைத் தழிச்சரம் (https://www.tamilcharam.com/) திரட்டியில் இணைத்து உலகத்தமிழர்களோடு இணையுங்கள்.
உங்கள் கருத்துக்களை உலகத்தமிழர்களோடு பகிர்ந்து கொளளுங்கள்.

இனி குரல்வழி ஒருங்குறி தமிழ்த் தட்டச்சு.

இனி குரல்வழி ஒருங்குறி தமிழ்த் தட்டச்சு.

இன்று தமிழில் ஒருங்குறியில் தமிழில்தட்டச்சிடுவதற்குப் பலருக்கு  தெரியாத சூழலில் இருக்கின்றார்கள். இனி குரல்வழியில் தமிழ்த்தட்டச்சு செய்வது மிகவும் இலகுவாக அமைந்துள்ளதை இந்த காணொலியின் மூலம் விளக்கப்பட்டுள்ளது. நீங்கள் பேசினாலே தமிழில் தட்டச்சிட பல இணையதளங்கள் இன்று பயன்பாட்டில் உள்ளன.

குறிப்பாக

1.      https://www.speechtexter.com/ -

2.      https://speechnotes.co/

3.   https://speechtyping.com/voice-typing/speech-to-text-tamil

இதுபோன்ற பல இணையதளங்கள் இணையத்தொடர்போடு பயன்படுத்தலாம்.

இதை அனைத்துத் தமிழ் ஆர்வளர்களும் பயன்படுத்தி ஒருங்குறியின் மூலம் இணையத்தமிழை வளர்த்தெடுப்போம்