தமிழில் நீண்டகாலமாக இருந்துவந்த ஒரு மிகப்பெரிய கனவை நிறைவுசெய்துள்ளார் இந்த தமிழ்ப்புள்ளி. இவரின் அயராத உழைப்பின் பயனாக தமிழ்ச் சந்திப்பிழைத் திருத்தியை வெளிக் கொணர்ந்துள்ளார். அதுவும் இணையத்தில் இலவசமாக எனபது ஒரு பெரிய சாதனை. எப்படி தமிழ் எழுத்துருவை அடிக்க முதன்முதலில் சுரதா எழுதி தேவைப்பட்டதோ, அதுபோல இதுவும் தொடக்கம். இதில் பலவகையான இலக்கண குறிப்புகள் இடம் பெற்றுள்ளன.
நாம் அடித்த அல்லது கட்டுரையை இந்த பக்கத்தில் இட்டால் அது எந்த இடத்தில் ஒற்று மிகும் அல்லது மிகாது. அப்படி ஒற்று மிக வேண்டுமானால் என்ன இலக்கண அமைப்பைக் கொண்டிருக்க வேண்டும் என்பன போன்ற அமைப்பு முறையில் இதனை வடிவமைத்துள்ளார்.
எடுத்துக்காட்டாக அவர்கள் இட்டுள்ள பெரிய கட்டத்தில் நாம் அடித்தை அல்லது அடித்து வைத்ததை ஒட்ட வேண்டும்.பிறகு கீழே ஒரு கட்டத்தில் ஆய்வுசெய்க என்ற பதத்தைச் சொடுக்கினால் அது பரிந்துரை :0; சந்தேகிப்பவை:1; ஒற்றுப்பிழை:0; மரபுப்பிழை :0 என்ற நான்கு வினாத் தோன்றும்.
அதில் சந்தேகிப்பவை என்பதில் உள்ள தடித்த சொல்லைச் சொடுக்கினால் அதன் கீழே ஒற்று மிகுவதற்கான காரணத்தையும் ஒற்று மிகாதற்கான காரணத்தையும் கொடுக்கின்றன. நாம் எதை தேர்வு செய்கிறோமோ அது திரையில் தோன்றும்.
இதுபோன்ற என்னற்ற தமிழ்ச் சந்திப்பிழைத் திருத்தி தமிழில் உருவாக வேண்டும். அதற்கு இது ஒரு தொடக்கம். தொடக்கம் சரியாக இருந்தால் முடிவு இன்னும் நல்லவையாகவே அமையும்.
நாவி தமிழ்ச் சந்திப்பிழை திருத்தியை தொடர http://tamilpoint.blogspot.in/p/naavi.html
