.jpeg)
நிகழ்வின் தொடக்கமாக தமிழ்த்துறையின் தலைவர் முனைவர் நாகநந்தினி அவர்கள் வரவேற்புரை வழங்கினார்.
முனைவர் நாகநந்தினி
நிகழ்வில் கல்லூரியின் முதல்வர் முனைவர் தே. லட்சுமி அவர்கள் தலைமை உரையை வழங்கினார். இதில் இணையத்தின் தோற்றம், இணையத்தில் தமிழ் எவ்வாறெல்லாம் இடம்பெற்றிருந்தது, பேரா. நா. கோவிந்தசாமியின் இணையத்தமிழ் பங்களிப்பு குறித்தும் தனது தலைமையுரையில் விளக்கிக் கூறினார்.
முனைவர் தே. லட்சுமி
தொடர்ந்து நிகழ்வில் முதல் அமர்வில் இயற்கை மொழி ஆய்வு என்ற தலைப்பில் மதுரை காமராசர் பல்கலைக்கழகத் மொழியியல் துறை உதவி பேராசிரியர் முனைவர் கா. உமாராஜ் அவர்கள் வழங்கினார்.
இயற்கை மொழி ஆய்வுக்குறித்துத் தெளிவாக விளக்கினார். இன்று இயற்கை மொழி ஆய்வு எவ்வாறெல்லாம் செயல்பட்டு, பயன்படுத்தப்பட்டு வருகின்றது என்பது குறித்தும் கணினிக்கு மொழியை கற்றுக் கொடுக்கும் போது ஏற்படுகின்ற சிக்கல்களையும் அதைத் தீர்ப்பதற்கான தீர்வுகளையும் தெளிவாக விளக்கிக் கூறினார்.
மேலும் இயற்கை மொழி ஆய்வில் கணினியில் தமிழ் நுட்பங்கள் வளர்ந்து வந்து கொண்டிருக்கின்றன என்பதையும் அதனால் பேச்சு தொழில்நுட்பமும் எவ்வாறெல்லாம் இன்று இணையத்தில் வளர்ந்து வந்து கொண்டிருக்கின்றது என்பதை குறிக்கும் மிகத் தெளிவாக விளக்கினார்.
அடுத்த அமர்வில் இணையத்தமிழ் ஆய்வாளர் முனைவர் துரை மணிகண்டன் அவர்கள்
தமிழில் எழுதும்போது ஏற்படும் சிக்கல்களாக சொற்பிழை, சந்திப்பிழை, இலக்கண பிழைகளை எவ்வாறு நாம் கணினிவழி திருத்தம் செய்யலாம்? என்பது குறித்த செய்திகளை அடிப்படையில் தமிழ் மென்பொருள்களின் பயன்பாடுகள் என்ற தலைப்பில் பயிற்சியை வழங்கினார்.
இன்று இணையத்தில் தமிழ் மென்பொருள்கள் என்னென்ன இதுவரை
தோன்றி இருக்கின்றன? அவற்றில் எவற்றையெல்லாம் நாம்
பயன்படுத்த முடியும் என்பது குறித்து விளக்கினார். மேலும் இதுவரை தமிழில் தோன்றியுள்ள தமிழ்
இலக்கணப்பிழை திருத்திகளைக் கூறி அவற்றை நாம் எவ்வாறு பயன்படுத்தவேண்டும் என்பது குறித்தும்
விளக்கம் அளித்தார்.
நிகழ்வின் நிறைவு விழாவில் மதுரை காமராசர் பல்கலைக்கழகம்
மேனாள் ஆட்சிக்குழு உறுப்பினர் இளைஞர் நலத்துறையின் பேராசிரியர் முனைவர் சு.ச. பாரி பரமேஸ்வரன் அவர்கள் சிறப்புரை வழங்கினார். இதில் தமிழ் மொழியின்
சிறப்பும், தமிழ் மொழி கடந்து வந்த பாதையும் இன்றைய இணையத்தில்
தமிழ் மொழியின் வளர்ச்சிக் குறித்தும் தெளிவாக விளக்கினார்.
மேலும் இந்த நிகழ்வில் திண்டுக்கல் மாவட்டத்தில் உள்ள பத்துக்கும் மேற்பட்ட கல்லூரிகளிலிருந்து சுமார் 250 மாணவிகள் கலந்துகொண்டனர். கலந்துகொண்ட மாணவிகளுக்குச் சான்றிதழ்கள் வழங்கி சிறப்பு செய்யப்பட்டனர்.
.jpeg)
.jpeg)
.jpeg)
