/// / /// எமது நூல்களான “தமிழ்க் கணினி இணையப் பயன்பாடுகள்”, “இணையத்தில் தமிழ் வலைப்பூக்கள்”, “இணையத்தில் தமிழ்த்தரவுத் தளங்கள்”, “இணையமும் தமிழும்” "ஊடகவியல்” ஆகிய நூல்கள் சைவ சிந்தாந்தாந்த நூற்பதிப்புக்கழகம், சத்திரம் பேருந்து நிலையம், திருச்சிராப்பள்ளி : - முருகன் புக் ஸ்டோர், தஞ்சாவூர். வி.கே .என் புக் ஹவுஸ் டி.நகர், சென்னை தொடர்பிற்கு :9486265886. ///

Friday, March 31, 2017

தொல்காப்பியப் பொருளதிகார குறுஞ்செயலிகள் உருவாக்கம்.

|2 comments

Saturday, March 25, 2017

கட்டுரைகளுக்கான அழைப்பறிவிப்பு -2017 கனடா, தொராண்டோ பல்கலைக்கழகம்

|0 comments

16-வது உலகத் தமிழிணைய மாநாடு 2017

தொராண்டோ, கனடா



மாநாட்டில் பங்கு பெற ஆய்வுச் சுருக்கம் 
அனுப்புவதற்கான முதல் அறிவிப்பு
உலகத் தமிழ் தகவல் தொழில்நுட்ப மன்றத்தின் (உத்தமம்) 16வது தமிழிணைய மாநாடு 2017,  கனடாவில் தொராண்டோ (Toronto) மாநகரில், தொராண்டோ பல்கலைக்கழக சுகார்பரோ (Scarborough) வளாகத்தில்  ஆகத்து  மாதம்  25-27 ஆகிய தேதிகளில் நடைபெறவுள்ளது  என்பதை மகிழ்ச்சியுடன் தெரிவித்துக்கொள்கின்றோம். இக்கருத்தரங்கு வாட்டர்லூ பல்கலைக்கழகத்தின் பாங்கு அறிதிறன் இயந்திர அறிவுத்திறனுக்கான நடுவத்தின் ஆதரவோடும், தொராண்டோ பல்கலைக்கழகம், சுகார்பரோவின் ஆதரவோடும் நடைபெறுகின்றது.  
தமிழ்க்கணிமை சார்ந்த எல்லாத் தலைப்புகளிலும் ஆய்வுக் கட்டுரைகள் வரவேற்கப்படுகின்றன.  இவ்வாண்டு மாநாட்டுக்கருத்தரங்கில்  ஆழ்தமிழின் அழகும் ஆழக்கற்றல் திறனும்  (Deep Learning) என்பதும்  தமிழில் தரவு அறிவியல் (Data Science)என்பதுமாக இரண்டு  கருத்துமுழக்கங்கள் வைக்கப்பட்டுள்ளன.   .
மாநாட்டிற்கான ஆய்வுக் கட்டுரைகள் கீழ்க்கண்ட தலைப்புகளில் ஏதாவது ஒன்றில் அமையும் வகையில் படைத்து அனுப்பும்படி கேட்டுக்கொள்கிறோம்.
  • இயல்மொழிப் பகுப்பாய்வு – தமிழ்ச்சொல்லாளர் (சொற்பிழை திருத்தி, சந்திப்பிழை திருத்தி, இலக்கணத்திருத்தி முதலியன) 
    எழுத்துப் பகுப்பாய்வு – Text Analytics/Mining (ex: word frequency, paraphrases, automatic textual encoding), உணர்ச்சிப் பகுபாய்வு – Sentiment Analysisஆவண வகைப்படுத்தல் – Document Classificationஉருப்பொருள் பிரித்தெடுத்தல் – Entity Extraction
  • இயந்திர மொழிபெயர்ப்பு,  தமிழ்ப் பேச்சுப் பகுப்பாய்வு,  எழுத்துரை-பேச்சுரை மாற்றிகள், தேடுபொறிகள், தமிழ்த் திறனாய்வு நிரல்கள், மின்னகராதி அமைத்தல் முதலியன.
  • மொழித்தொகுப்பு ஆய்வு (Corpus linguistics)
  • ஒளியெழுத்துணரி, கையெழுத்துணரி.
  • கையடக்கக் கணினிகளில் தமிழ்ப் பயன்பாடும் அவற்றின் செயலிகளைத் தரப்படுத்துதலும், இக்கருவிகளில் பயன்படுத்தத் தேவையான தமிழ்க்கணினி குறுஞ்செயலிகள் (முக்கியமாக ஆப்பிள், ஆண்டிராய்டு, விண்டோசு)
  • திறவூற்றுத் தமிழ் மென்பொருள்கள், தன்மொழியாக்கம்.
  • தமிழ் இணையம், தமிழ் வலைப்பூக்கள், விக்கிப்பீடியா, சமூக இணையதளங்கள், தமிழ் மின்நூலகங்கள், மின்பதிப்புகள், இணைய, கணினிவழி தமிழ்நூல்கள் ஆய்வு, கையடக்க மின்படிப்பான்களில் தமிழ் நூல்கள், தமிழ் மின்வணிகம் மற்றும் பிற தமிழ்ப் பயன்பாட்டு நோக்குடன் தயாரிக்கப்பட்ட கணினி மென்பொருள்கள்.
  • எண்ணிம ஆவணப் பாதுகாப்பு, எண்ணிமத்திரட்டுகள்
  • தொடர்புறு தரவுகள் (இணைப்புத் தரவு)- Linked Data,  தமிழில் பொருளுணர் வலை (semantic web); தரவுக் காட்சிப்படுத்தல் – Data Visualization
  • கற்றல் மேலாண்மை அமைப்புகள் (Learning Managements Systems), மெய்நிகர் கல்விச்சூழல் (Virtual Learning)
  • எண்ணிமப் பாதுகாப்பு – Digital Preservation எண்ணிம நூலகம் – Digital Library, எண்ணிம ஆவணகம் – Digital Archiveஇணைப்புத் தரவு – Linked Data, மெய்ப்பொருளியம் – Ontology
மாநாட்டு ஆய்வரங்குகளில் கட்டுரை படைக்க விரும்புவோர் தாங்கள் படைக்க இருக்கும் கட்டுரையின் சுருக்கத்தை ஏ-4 (A4) தாள் அளவில் இரண்டு பக்கங்களில் ஏப்பிரல் 15 தேதிக்குள்  cpc2017@infitt.org என்ற 
மின்னஞ்சலுக்கு அனுப்புமாறு கேட்டுக் கொள்கிறோம். கட்டுரைச் சுருக்கமானது குறிப்பிட்ட ஒரு தொழில்நுட்பத் திட்டப்பணியைப் பற்றிய முக்கியத் தகவல்கள் ஆய்வு முறைகள் ஆய்வடிப்படையில் கண்ட முடிவுகள் ஆகியவற்றைத் தெளிவாகக் கொண்டிருக்க வேண்டும். தலைப்பை அறிமுகம் செய்யும் பொதுவான கட்டுரைச் சுருக்கங்கள் ஏற்றுக் கொள்ளப்பட மாட்டாது.
சமர்ப்பிக்கப்பட்ட கட்டுரைச் சுருக்கங்களின் அடிப்படையில் தேர்ந்தெடுக்கப்பட்ட கட்டுரைகளை மாநாட்டுக் குழு ஆய்வரங்கத்தில்  படிக்கவோ (oral presentation),   சுவரொட்டி காட்சிக்கட்டுரைகளாகவோ (poster presentation) ஏற்கும்.
கட்டுரைச் சுருக்கம் மற்றும் கட்டுரை தமிழ் ஒருங்குறி (யூனிக்கோடு) அல்லது தமிழ் அனைத்து எழுத்துருத் தரப்பாடு (TACE) ஆகிய குறியேற்றங்களில் மட்டுமே பெற்றுக்கொள்ள இயலும் என்பதைத் தெரிவித்துக்கொள்கிறோம். கட்டுரைச் சுருக்கம் ஆங்கிலத்திலோ (அ) தமிழிலோ (அ) தமிழும் ஆங்கிலமும்  தேவையறிந்து கலந்தோ நீங்கள் படைக்கலாம்.
மாநாட்டுக்குழு உங்களின் படைப்புகளை ஆய்ந்தறிந்து மாநாட்டில் படைக்கும் தரம்கொண்ட கட்டுரைகளைத் தேர்வு செய்யும். தேர்வு செய்யப்பட்ட கட்டுரைகளின் விவரம் அதற்கான ஆசிரியர்களுக்கு மே 15ஆம் தேதிக்குள் உறுதிப்படுத்தப்படும்.
முழுக் கட்டுரையை 4 பக்கங்களுக்குக் குறையாமலும் 6 பக்கங்களுக்கு மிகாமலும்  ஒளியச்சுக்கு ஏற்றவாறு சூன் 15 ஆம் நாளுக்குள் அனுப்பவேண்டும்.
கட்டுரை எழுதும் கட்டுரையாளர்களுள் ஒருவரேனும் மாநாட்டில் கலந்துகொண்டு கட்டுரையை ஆய்வரங்குகளில் நேரில் படைக்க வேண்டும். மாநாட்டில் பங்குபெறாமல் அல்லது ஒருவருக்காக வேறு ஒருவர் கட்டுரைகளைப் படைக்க இயலாது என்பதையும் தெரிவித்துக்கொள்கிறோம்.
மாநாட்டில் படைக்கப்படவுள்ள கட்டுரைகள் அச்சிட்ட மாநாட்டு மலராகவும் மின்பதிப்பாகக் குறுந்தகடு வழியாகவும் வெளியிடப்பட உள்ளது. மாநாட்டுக் கட்டுரைத் தொகுப்பு நூலகங்களுக்கான பன்னாட்டு தொடர்பதிப்புச் சீரெண்ணுடன் (ISSN)  வெளியிடப்படவுள்ளது.
தேர்ந்தெடுக்கப்படும் கட்டுரைகள் சிறப்பு வெளியீடாக உத்தமத்தின் வாயிலாக வெளிவரவிருக்கும் இதழிலும், உலகக் கணினிமொழியியல் ஆய்விதழ்களிலும் வெளியிடப்படும்.
முக்கியமான நாட்கள்
2-பக்க ஆய்வுச்சுருக்கம் அனுப்ப இறுதி நாள்ஏப்பிரல் 15
ஏற்பு முடிவு  அறிவிப்பு :                                        மே 15
அச்சடிக்க இறுதி வடிவில் 4-6 பக்க 
முழுக் கட்டுரை அனுப்ப இறுதி நாள் :              சூன் 15
மாநாடு நடைபெறும் நாட்கள் : 2017 ஆகத்து மாதம் 25, 26, 27
தமிழிணைய மாநாடு 2017-இல் கட்டுரையைப் படைப்பது பற்றி உங்களுக்கு ஏதாவது கேள்விகள் இருப்பின் அவற்றை cpc2017@infitt.org என்ற  முகவரிக்கு மின்னஞ்சல் அனுப்புமாறு கேட்டுக்கொள்கிறோம்.
அன்புடன்

செ. இரா. செல்வக்குமார்,  
வாட்டர்லூ பல்கலைக்கழகம்                                                
தலைவர், மாநாட்டு ஆய்வரங்கக்குழு,                                               
தமிழினைய மாநாடு 2017.

                                   

இனிய நேரு 
 செயல் இயக்குநர் (உத்தமம்)

சுகந்தி நாடார்    தலைவர்
      உத்தமம


Sunday, March 19, 2017

" Recent Trends in Natural Language Processing"- “இயற்கை மொழியாய்வின் தற்போதைய வளர்ச்சி”

|3 comments




மொழியியல் துறை மதுரை காமராசர் பல்கலைக்கழகம்
&
இந்திய மொழிகளுக்குக்கான மொழித்தரவுகளின் சேர்த்தியம்
இந்திய மொழிகளின் நடுவண் நிறுவனம், மைசூர்
&
உலக தமிழ்த் தகவல் தொழிற்நுட்ப மன்றம், அமெரிக்கா

இணைந்து நடத்தும்

                  இரண்டு நாள் கருத்தரங்கம்
27-28, மார்ச், 2017
இயற்கை மொழியாய்வின் தற்போதைய வளர்ச்சி

சுருக்கம்
மனித மூளையைப் போன்றே கணினிக்கு இயற்கை மொழி அறிவைப் பெறவைத்து ஒரு மொழியிலுள்ள மொழிக்கூறுகளை எளிமையாகப் புரிந்து கொள்ளவும் அம்மொழிக் கூறுகளைச் செயற்கையாக உருவாக்கவும் செய்ய வைக்கும் முயற்சியே இயற்கை மொழியாய்வு ஆகும்.
கணினியியல் துறை, புள்ளியியல் துறை, கணினி மொழியியல் துறை , செயற்கை அறிவு துறை போன்ற பல துறைகள் இணைந்து இயற்கை மொழியாய்வு பணியினைச் செய்து வருகின்றன.
இந்நிலையில் இயற்கை மொழியாய்வு பற்றிய இரண்டு நாள் கருத்தரங்கு ,தற்போது இயற்கை மொழியாய்வின் வளர்ச்சி எந்த நிலையில் உள்ளது என்பதைப் பற்றியும் இத்துறையில் நடைபெற்று வரும் முன்னேற்றங்கள், புதிய பரிணாமங்கள் , கோட்பாடுகள் பற்றியும் அறிவதற்கு உதவியாக இருக்கும். மேலும் கணினி வல்லுனர்கள், மொழியியல் வல்லுனர்கள், தொழில் முனைவோர்கள், ஆய்வாளர்கள் ஒன்று கூடி இயற்கை மொழியாய்வைப் பற்றி விவாதிக்கவும் இக்கருத்தரங்கம் உதவியாக இருக்கும்.
                                 அனைவரும் வருக




கலந்து கொள்ளும் வல்லுனர்கள்
முதல் அமர்வு 
1.    முனைவர்.எல்.இராமமூர்த்தி
இந்திய மொழிகளின் நடுவண் நிறுவனம்
மைசூர்
தலைப்பு: இயற்கை மொழியாய்வின் தற்போதைய நிலை
                     
2.    முனைவர்.ந.தெய்வ சுந்தரம்
பேராசிரியர் ( ஓய்வு)
சென்னை பல்கலைக்கழகம்
சென்னை    
தலைப்பு: கணினித்தமிழ் வளர்ச்சி: தற்போதைய நிலை மற்றும் வாய்ப்புகள்

3.    முனைவர்.டி. நாகராசன்
பேராசிரியர் மற்றும் தலைவர்
எஸ்.எஸ்.என். தொழிற்நுட்பக் கல்லூரி
சென்னை    
தலைப்பு: தமிழ் மொழிக்கான பேச்சு தொழிற்நுட்பம்

4.    முனைவர்,க.ரவிசங்கர்
இணைப் பேராசிரியர்
புதுவை மொழியியல் மற்றும் பண்பாட்டு நிறுவனம்
புதுவை       
தலைப்பு:  உணர்ச்சி வெளிபாடும் மீ பகுப்புக் கூறுகளும்




இரண்டாம் அமர்வு

5.    முனைவர். வ.தனலக்ஷ்மி
உதவி இயக்குநர்
தமிழ் இணையக் கல்விக்கழகம்
சென்னை    
தலைப்பு: இயற்கை மொழியாய்வு கருவிகள்

6.    முனைவர்.எம்.ஆனந்த குமார்
உதவிப் பேராசிரியர்
கணினியியல் உயராய்வு மையம்
அமிர்தா பல்கலைக் கழகம்   
கோயம்புத்தூர்
தலைப்பு:  சமூக வலைத் தளங்களுக்கான  சொற்தரவு பகுப்பான்

7.    திரு. விஜய் ராம் சுந்தர்
முனைவர்ப் பட்ட ஆய்வாளர்
பேரா.சந்திரசேகர் ஆய்வு மையம்
அண்ணா பல்கலைக் கழகம்
சென்னை    
தலைப்பு:  தரவகத்தின் அடிப்படையில் எழுத்துப்பிழைத் திருத்தி

8.    திரு. மா.பால முருகன்
ஆய்வாளர்,கணினியியல் துறை
மதுரை காமராசர் பல்கலைக்கழகம்
மதுரை
தலைப்பு: இயந்திர மொழிபெயர்ப்பு- புதிய அனுகுமுறைகள்


மூன்றாம் அமர்வு (சிறப்பு அமர்வு )

9.    திரு. ஆழி.செந்தில் நாதன்
இயக்குநர்
லேங்க்ஸ்கேப் மொழித் தீர்வு நிறுவனம்
சென்னை
தலைப்பு: இயந்திர மொழிபெயர்ப்பு : வணிக வாய்ப்புகள் மற்றும் வேலை வாய்ப்புகள்

10.  திரு. செல்வ முரளி
இயக்குநர்
விசிவல் மீடியா நிறுவனம்கிருஷ்ணகிரி
தலைப்பு : குறுஞ்செயலி மூலம் மொழித்  தொழிற்நுட்பம்- வணிக வாய்ப்புகள்

இரண்டாம் நாள் :நான்காம் அமர்வு
11.  முனைவர். மா.கனேசன்
இயக்குநர் ( ஓய்வு)
மொழியியல் உயராய்வு மையம்
அண்ணாமலை பல்கலைக்கழகம்
சிதம்பரம்      
தலைப்பு: தரவகத்திலுள்ள சொற்களுக்கான இலக்கணக் குறியீடுகள்

12.  முனைவர். எஸ்,ராஜேந்திரன்
பேராசிரியர் (ஓய்வு)
தமிழ் பல்கலைக்கழகம்
தஞ்சாவூர்     
தலைப்பு:  சொல் சார் மூல பொருண்மையியல்

13.  முனைவர்.எல்.சோபா
திட்ட ஒருங்கிணைப்பாளர்
இந்திய மொழிகளுக்கான மொழிபெயர்ப்பு திட்டம்
பேரா.சந்திரசேகர் ஆய்வு மையம்     
அண்ணா பல்கலைக்கழகம்
சென்னை
தலைப்பு: ஆழ்நிலையற்ற தொடர்ப் பகுப்பாய்வி

ஐந்தாம் அமர்வு
14.  முனைவர்.ம..நடராசப்பிள்ளை
பேராசிரியர் மற்றும் இனை இயக்குநர் ( ஓய்வு)
இந்திய மொழிகளின் நடுவண் நிறுவனம்
மைசூர்
தலைப்பு:  படித்தல் திறனறிவை கணினியில் உள்ளீடு செய்தல்

15.  முனைவர்.த.முத்து கிருக்ஷ்ணன்
இணைப்பேராசிரியர்
மொழியியல் துறை
பாரதியார் பல்கலைக்கழகம்
கோயமுத்தூர் 
தலைப்பு: எழுதுதல் திறனறிவை கணினியில் உள்ளீடு செய்தல்

16.  முனைவர் அ.காமாட்சி
உதவிப்பேராசிரியர்
மொழியியல் உயராய்வு மையம்
அண்ணாமலை பல்கலைக்கழகம்
சிதம்பரம்
தலைப்பு: சங்க இலக்கியங்களுக்கான தரவக உருவாக்கம்                   

17.  முனைவர்.துரை. மணிகண்டன்
தலைவர், தமிழ்த்துறை 
பாரதிதாசன் பல்கலைக்கழக உறுப்புக் கல்லூரி,
திருச்சிராப்பள்ளி      
தலைப்பு: பழந்தமிழ் இலக்கியங்களைக் குறுஞ்செயலியாக உருவாக்குவதின் நன்மைகள்

ஆறாம் அமர்வு
18.  முனைவர் எஸ்.சரண்யா
இனைப்பேராசிரியர்
மொழியியல் உயராய்வு மையம்
அண்ணாமலை பல்கலைக்கழகம்
சிதம்பரம்
தலைப்பு: உருபன் பகுப்பாய்வி உருவாக்கும்போது ஏற்படும் சிக்கல்கள்

19.  முனைவர்  ஆர். அகிலன்
நிரலர் 
செம்மொழித் தமிழாய்வு மத்திய நிறுவனம்
சென்னை
தலைப்பு: சங்க இலக்கியங்களுக்கான உருபன் பகுப்பாய்வி

20.  முனைவர் பி.விஜயா
உதவிப்பேராசிரியர்
மொழியியல் உயராய்வு மையம்
அண்ணாமலை பல்கலைக்கழகம்
சிதம்பரம்      
தலைப்பு: பல சொல் ஒரு பொருண்மைகான அகராதிகள்

Sunday, March 12, 2017

இணையத்தமிழ் பயிலரங்கம். - திருச்சிராப்பள்ளி.

|0 comments